• Follow us on Twitter
  • Follow us on Facebook

Inohong Sunda di Jakarta
Nyawalakeun Jawa Barat

Kénging Ayie Sundana
Kintun kana Facebook
Mangle
SN1417317905.jpg [Potrét/Ilustasi: ]

Gubernur Jawa Barat Ahmad Heryawan ngayakeun  silaturahmi jeung para pimpinan daerah sarta inohong Jawa Barat anu dumuk di sabudeureun DKI Jakarta. Dina éta acara hadir menteri asal Jawa Barat anu kapilih di Kabinet Kerja Jokowi-JK di, antarana nyaeta Menteri Kelautan dan Perikanan Susi Pudjiastuti, Menteri Agraria & Perencanaan Tata Ruang Ferry Mursyidan Baldan, sarta Menteri PAN & Reformasi Birokrasi Yudi Chrisnandi. Lian ti éta hadir Wakil Ketua DPR RI Fadli Zon, sesepuh Jawa Barat anu oge anggota DPR RI Popong Otdje Djunjunan, mantan Wakapolri Adang Daradjatun, mantan Wagub Jabar ka-10 Dede Yusuf, sarta para anggota DPR asal Dapil Jabar, Ketua jeung Wakil Ketua DPRD Jabar, jeung Ketua Kadin katut para pengusaha Jawa Barat.

Gubernur Ahmad Heryawan dina gempungan anu jejerna “Rampak Sauyunan Ngawangun Jawa Barat” ieu teh netelakeun perluna nalingakeun daerah asal pikeun proporsionalitas, kusabab hal ieu teh pohara pentingna dina milu ngarojong nyukseskeun jeung ngawangun Jawa Barat.

“Kumargi kitu, para pajabat sareng inohong wajar dina posisi proporsional urang teh kedah nalingakeun lemah cai urang”, pokna.
Dina kasempetan ieu, gubernur netelakeun harepanana ka para tokoh asal Jawa Barat anu kiwari keur pancen gawe di pamarentahan jeung legislatif puseur sangkan salawasna bisa nalingakeun kasundaan jeung kamekaran pangwangunan Jawa Barat boh pangwangunan fisik atawa nonfisik demi karaharjaan sakumna masarakat Jawa Barat.

Kukituna bari jeung dibarengan ku heureuy gubernur netelakeun yen pihakna moal milih jeung ngarojong deui urang Sunda anu geus diuk di pamarentahan atawa legislatif puseur lamun henteu ngarojong jeung milu ngawangun Jawa Barat.

Lian ti eta gubernur nepikeun rupa-rupa kamajuan anu geus kahontal ku Jawa Barat saperti angka pasrtisipasi masarakat Jabar dina dunya pendidikan anu terus ngaronjat, sarta pangwangunan infrastruktur anu terus mekar jeung maju, saperti pangwangunan Bandara Internasional Kertajati di Majalengka anu kiwari geus asup kana tahap pangwangunan runway. Ku kituna, dina taun 2015 Bandara Internasional Kertajati  geus nepi kana pangwangunan terminal, jadi nincak taun  2017 ieu bandara geus bisa dipake.
Menteri Kelautan dan Perikanan Susi Pudjiastuti nepikeun apresiasina kana pangwangunan  di Jawa Barat anu mingkin maju.  Menteri Susi mere usulan ka Pemda Jabar sangkan terus nalingakeun pangwangunan sarana fisik jeung nonfisik di Jawa Barat, hususna dina widang perikanan supaya leuwih ngaronjat ajenna.
“Jawa Barat teh saleresna mah upami disebatkeun patanina paling pinter, nelayanna oge sami. Jadi di Jawa Tengah sareng  Jawa Timur nelayan-nelayan Lobsterna teh dididik ku nelayan-nelayan urang (Jawa Barat) anu kantos dicandak ka wetan sababaraha taun kapengker.

Nurutkeun Susi, Jawa Barat kudu bisa ngalaksanakeun tata kelola lingkungan laut jeung leuweung anu leuwih sustainable (pembangunan berkelanjutan). Kusabab kitu, bu menteri miharep sangkan gubernur jeung bupati di sakuliah Jawa Barat sagancangna nyieun Perda ngeunaan “perlindungan mangrove”  anu teu muenang di tuar deui sarta Perda ngeunaan larangan dijarualna Lobster atawa Kapiting anu keur ngendog.
Para inohong anu hadir miharep sangkan ieu gempungan teh supaya sering digelar. Lian ti silaturahmi, kagiatan ieu oge bisa dijadikeun fasilitas komunikasi antar-para inohong, pajabat, jeung pamangku kapentingan sejenna demi ngawujudkeun  kamajuan jeung  karaharjaan Jawa Barat.***

Kirim Koméntar tina Facebook

Koméntar (3)

dadang

Tatar sunda sing langkung majeng ku yasana para inohong nu jeneng di puseur dayeuh

Ahmad Salim

Ngadukung sarta ngadu'akeun pisan, leupaskeun tina kapentingan pulitik jeung golongan.. hidup JABAR..!

windy august

reueus masih keneh seueur nu ngajagi budaya sareng bahasa sunda. Mudah-mudahan urang ulah hilap ngajarkeun ka turunan urang budaya sareng bahasa sunda nu linuhung. aamiin

Kirim Koméntar

Jenengan
Alamat Émail
Alamat Wéb
Koméntar
Serat Kodeu: