• Follow us on Twitter
  • Follow us on Facebook

Sunda di Kuwait
Jadi Jawara Maén Bal

Kénging Rudi H
Kintun kana Facebook
Mangle
Tim PPK Hawally United FC jawara maén bal di Kuwait [Potrét/Ilustasi: dok. PPK]

Loba urang Sunda nu ngalumbara di mancanagara, teu weléh natratkeun kanyaah ka sasama. Kituna téh, lian ti ngadeukeutkeun tatali kawargian ogé  ngamumulé budaya Sunda. Hartina, sanajan anggang tempatna, kadeudeuh ka lembur banjar pamidangan lembur tatar Sunda mah, teu weléh deukeut. Nu kawas kitu téh,  saperti wargi-wargi Sunda di Kuwait.

Rupa-rupa kagiatan wargi Sunda nu wadah beungkeutanana PPK (Paguyuban Pasundan Kuwait), teu weléh méré sumanget, lain waé keur para anggotana tapi ogé masarakat sabudeureunana di Kuwait. Sapertina waé, waktu milu liga bola Indonésia Kuwait PPK Hawally United FC, mawa seungit urang Sunda di Kuwait ku préstasi nyangking juara kadua.

Harita, tim méngbal PPK mémang tarapis pisan ngucak-ngocék bola. Para pamaén nu meunang sumanget ti para bobotoh urang Sunda di Kuwait, ahirna meunang hasil nu pikareueuseun. “Alhamdulillah, ku raketna kawargian urang Sunda di Kuwait, tiasa janten pangjurung sumanget dina ngengingkeun préstasi, dugi ka tiasa juara ka-2,” ceuk Nanang Suyono, pupuhu Paguyuban Pasundan Kuwait.

Sanggeus meunang préstasi, pangurus PPK jeung para inohong Sunda di Kuwait ogé teu cicingeun. Sarengsena meunang medali juara kadua liga bola Indonésia Kuwait jeung uang pembinaan 125 kd ti pihak panitia, atuh pangurus PPK ogé méré hadiah umroh haratis ka unggal pamaénna.

Lian ti husus méré hadiah umroh haratis, saterusna mah ngayakeun acara sukuran nu di bumina sesepuh PPK Bapa Agus Alamsyah nu dirojong ku para inohong Sunda séjénna, di antarana waé ti Dubes RI di Kuwait, Bapa Tatang Budi Razak teureuh Ciamis, ogé ti Bapa Dr. Adi Kadar M.Sc., pagawe pausahaan minyak  Kuwait. *** (RH)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: