• Follow us on Twitter
  • Follow us on Facebook

Ridwan Kamil
Ngadongdon Urang Sunda di Qatar

Kénging Asep H Sanudin (Ki Dalang)
Kintun kana Facebook
Mangle
Ridwal Kamil Nyambung Duduluran Sunda [Potrét/Ilustasi: dok. BSQ]

Rahayat Indonesia anu bubuara di Qatar, geunjleung. Kituna téh lantaran, 11 Juni 2015 kamari kadatangan hiji inohong Sunda nu keur jadi sabiwir hiji, Ridwan Kamil walikota Bandung téa nu ogé pernah kapeto jadi penyelenggara hajat Konferensi Asia Afrika di Bandung tahun 2015. Keur urang Sunda di Qatar tangtu ngarasa reueus ku kadatangan Kang Emil ka Baraya Sunda Qatar. Komo, lian ti nyarita basa Sunda, ogé  paséh pisan nyarita basa Inggrisna. Teu sirikna Wisma Duta KBRI Doha téh pajejel-jejel. Loba jalma ngagelek hayang nyidik-nyidik kumaha dedeganana. Nu hadir élékésékéng hayang geura-geura paamprok.

Minangka bubuka acara, Dubes RI kanggo Qatar, Bapa Deddy Saiful Hadi ogé ngaraos bingah anu taya papadana kana kasumpingan walikota Bandung anu nuju transit ka Doha, sareng nganuhunkeun ka diaspora Indonesia di dieu anu teu weléh sauyunan. Minangka tawis soca ti Baraya Sunda Qatar, Aa Ade Sanjaya masihkeun acuk pangsi nu langsung dianggo ku Ridwan Kamil. Atuh, para inohong ti elemen organisasi masarakat Indonesia di Qatar ogé, harita miharep sangkan invéstasi di Bandung langkung dilobaan. Teu kakantun ieu acara téh dihadiran ku para investor ti Doha nu bakal ilubiung ngamajukeun kota Paris Van Java.

Kunjungan Kang Emil harita ogé bari nepikeun programna ka urang Sunda di Qatar, sakalian nepikeun harepanana ka balaréa. “Pamingpin bakal dipercaya lamun sapagodos jeung nu dikampanyekeunana. Hiji nu méré ciri yén bangsa urang téh luhung ku ayana budaya réréongan,” pokna.

Ridwan Kami waktu dipapagkeun ku Ki Dalang

Kang Emil ogé nepikeun kareueusna salila ieu. Saurna, tina 150 nagara tingkat réngking karahajaan urang Indonésia téh aya di nomor ka-19. Singapura waé cenah réngking ka-140. Hiji nagara disebut maju teu kudu waé beunghar, tapi gumantung kana karaharjaan rahayatna. Cirina masarakat anu barungah nyaéta resep meungkeut tali duduluran. Teu pegat tali silaturahmi. Ku tarékah Kang Emil, Bandung kapeto jadi kota anu paling binangkit (The most attractive city) sa-Indonesia. Samalah tingkat tumuwuhna ékonomina ogé 9%. Bandung ogé meunang panghargaan ti Ombudsman jadi kota anu pangonjoyna dina palayanan ka masarakatna.

"Urang Indonesia bangsa anu futuristik, tapi kudu miboga ciri khas lokal nu kudu dimuhit." Pokna deui. *** 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: