• Follow us on Twitter
  • Follow us on Facebook

Agustusan Urang Sunda
di Kuwait

Kénging RH. Tarmidzi
Kintun kana Facebook
Mangle
Tim Futsal Anak-anak Paguyuban Pasundan Kuwait [Potrét/Ilustasi: dok. PPK]

Ngumbara ka jauhna saperti ka nagri deungeun, teu poho ka tempat pamianganana. Kituna téh saperti urang Sunda di Kuwait nu aya dina beungkeutan Paguyunan Pasundan Kuwait (PPK), ngajurung sumanget milu dina kagiatan ngareuah-reuah HUT RI 17 Agustus 2015 nu diayakeun ku KBRI di Kuwait.

Tujuanana, ceuk Kepala Dubes Kuwait Bapa Tatang Budi Razak nu ogé tureuh Ciamis, kagiatan Agustusan téh, sangkan urang Indonésia nu di luar negeri, tetep teu poho kana sajarahna. Kitu deui, nurutkeun Ketua PPK Dr. Agus Abdullah, P.hD., dina milu ngareuah-reuah Agustusan nu dilaksanakeun ku KBRI, lian ti ngaraketkeun kawargian dulur-dulur Sunda nu aya di Kuwait, ogé keur némbongkeun préstasi urang Sunda ka séké sélér séjénna nu aya di Kuwait.

Kagiatan Agustusan dilaksanakeun ti tanggal 31 Juli nepi ka puncakna tanggal 7 Juli 2015 kalawan dibuka ku Kepala Dubes Kuwait di gedung Al Nasser Sports Centre Ishbilya. Sababaraha jenis kagiatan di antarana, aya lomba futsal dewasa, futsal anak-anak, badminton, pingpong, catur, karaoké, jeung gapléh.

Kumaha ari préstasi urang Sunda? Sababaraha lomba geus lumangsung. Tim Paguyuban Pasundan Kuwait, saperti badminton perorangan nu diwakilan ku Karjan geus jadi jawara. Kitu deui olah raga futsal anak-anak PPK ogé geus némbongkeun préstasina, nyaéta asup juara 3. Keur PPK, saperti ceuk sesepuh/déwan penaséhat Abu Ridwan Nanang Suyono, tina sababaraha préstasi olahraga, tangtu matak reueus. Lantaran, lian ti bakal mawa sumanget betah di tempat gawé di Kuwait, ogé bakal tetep nyaah ka bali geusan ngajadi tatar Sunda ku cara miéling Agustusan. *** 

 

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: