• Follow us on Twitter
  • Follow us on Facebook

Kanyaah Urang Sunda Kuwait
ka Barudak nu Pahatu Lalis

Kénging Rudi H
Kintun kana Facebook
Mangle
Kanyaah Sunda Kuwait ka Barudak Yatim di Stikkes Bakti Tunas Husada [Potrét/Ilustasi: dok.pribadi]

Pancén gawé di nagri jauh, saperti di Kuwait, ari kanyaah ka sasama di lemburna mah, geuning teu weléh leungit. Saperti dina bulan awal Séptember 2015 nu geus kaliwat, Sesepuh PPK (Paguyuban Pasundan Kuwait) Nanang Suyono, ngahaja datang ka Tatar Sunda keur masrahkeun kanyaahna ka barudak pahatu lalis (yatim piatu). Harita tempatna di Stikkes Bakti Tunas Husada Jawa Barat.

Kagiatan modél kitu, keur wargi-wargi Sunda nu mancén damel di Kuwait, mémang geus maneuh. Lantaran, saur sesepuh PPK, kanyaah ka lembur sarakanana téh, jinek, lain saukur ngalarapkeun program PPK, tapi ogé mémang geus kawajiban dina milu mantuan sasama nu kurang mampuh, anu dina waktu ieu ka barudak nu pahatu lalis ku cara masrahkeun Sembako.

“Insya Alloh, PPK sasieureun sabeunyeureun, saalitna badé teras ngabantos wargi-wargi nu kirang mampuh. Sok sanaos kawatesanan ku jarak, namung ari kanyaah mah, moal kawatesanan. Atuh ka murangkalih nu kapasrahan, pamugi janten pangdorong sumanget dina mayunan kahirupan dina mangsa bakal datang. Tetep kedah ageung harepan,” pokna.

Sesepuh PPK (Paguyuban Pasundan Kuwait) Nanang Suyono

Nepikeun kanyaah, sanajan upama diukur tina matéri mah jauh tina nu utama, tapi mudah-mudahan ku cara aya kagiatan sosial sapertos ti PPK,  boh ti wargi anu caket, boh ti wargi anu tebihna, teras manjang sareng jadi picontoeun. ***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: