• Follow us on Twitter
  • Follow us on Facebook

Ridwal Kamil
jeung Manglé

Kénging Rumpaka M-Online
Kintun kana Facebook
Mangle
Kang Emil jeung Ais Pangampih Mangle [Potrét/Ilustasi: Lin RN]

Tepungna Walikota Bandung Ridwal Kamil jeung Ais Pangampih Manglé, teu ieuh ngarasa kagok. Kituna téh lantaran, lian ti loba nu saruana misi Manglé jeung misi pamaréntah kota Bandung dina mekarkeun budaya lokal (Sunda), ogé mémang, lantaran, Kang Emil (kitu sok disebutna) geus dalit pisan jeung pupuhu Manglé, H. Uu Rukmana.

Kang Emil sareng pupuhu Mangle, H. Uu Rukmana

Tepung sakumna Ais Pangampih Mangle jeung Walikota Bandung téh di Jalan Campaka Bandung, Salasa (8 Séptember 2015) kasorénakeun. Nu diobrolkeun ogé, museur kana tarékah babarengan keur ngawanohkeun budaya Sunda jaga, hususna Majalah Manglé ka masarakat Kota Bandung, pangpangna ka generasi ngora. Kang Emil, nu biasa ngobrol Sunda, miharep antara Pemkot jeung Manglé bisa sauyunan dina mekarkeun Sunda ka generasi ngora, nu kiwari lain bihari.

Keur pihak Manglé, ketak jeung harepan Kang Emil tangtu matak reueus. Komo sabada midangkeun berita-berita Kang Emil jeung kamajuan Kota Bandung nu sering midang di situs www.mangle-online.com, ieu Walikota Bandung ogé, milu sugema. Saperti, berita waktu Kang Emil ngadongdon ka Qatar atawa carita saméméh jadi Walikota Bandung.

“Insya Alloh, ngarojong pisan kana tarékah-tarékah majalah Manglé kiwari. Dina raraga ngawanohkeun program Revolusi Mental, kantenan ngaliwatan peran basa Sunda, tiasa éféktif,” pokna. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: