• Follow us on Twitter
  • Follow us on Facebook

Ngabina Sirung Harepan
Nyaah ka Budaya Sunda

Kénging Ayie Sundana
Kintun kana Facebook
Mangle
SN1476406412.jpg [Potrét/Ilustasi: ]

Final Pasanggiri Cover Mangle Rumaja 2016 geus digelar 9 Oktober 2016 kamari di Aula Museum Sri baduga Provinsi Jawa Barat, para pamilon pasanggiri anu sakabehna bagean tina anggota Mitra Rumaja  katingal reueus jeung sugema milu runtuyan kagiatan anu digelar ti mimiti tug nepi ka milu prosés Karantina salila 2 poé di Villa Mayang Arum Sunda, Ciwidey pikeun “digembleng” sarta diseleksi deui nepi ka jadi 15 Besar sarta ahirna jadi 10 besar keur nangtukeun Pinunjul 1, 2, 3 jeung harepan 1, 2, 3 sarta pinunjul Fotogenik jeung Favorit.

Beurat pikeun nangtukeun saha nu kudu jadi pinunjul ti 35 urang ieu. Kabeh pamilon boga kaparigelan jeung kaleuwihan masing-masing, aya nu maher tari, maca sajak, ekting, ngawih komo modeling mah. Tapi dalah kudu kumaha deui masing beurat ku kanyaah ka mitra rumaja nu jadi patandang di Pasanggiri Cover Mangle Rumaja ieu tetep kudu bisa ditangtukeun sangkan kaluar 15 besar. Nu jadi tinimbangan para juri tangtuna ieu pamilon teh kudu boga kamampuan jeung wawasan hususna kana seni jeung budaya Sunda. Soalna ieu para pinunjul teh baris ditataharkeun pikeun jadi Duta Mangle sakaligus kudu bisa ngawanohkeun jeung “ngamasarakatkeun” budaya Sunda di lingkungan para nonoman atawa rumaja Sunda.

Nya dina ping 9 Oktober kamari tim juri anu dipingpin ku Dian Hendrayana nangtukeun 10 besar anu bisa asup kana nominasi pinunjul. 10 besar ieu diantarana; Ratu Isyell, Sania Septiana, Muhammad Bayu Sagara, Windasari, Putri Ivana, Heri Permana, Erie Sekarwati, Shafira, Mochmmad Dendy jeung Dita. Tina 10 besar ieu di pilih deui sangkan kaluar pinunjul 1,2,3 jeung harepan 1,2,3 sarta pinunjul Favorit jeung Fotogenik.

“Ka sakumna patandang dina Pasanggiri Cover Rumaja Mangle, teu aya nu kenging sareng teu aya nu kawon. Sadayana sami. Ieu mah mung saukur simbol wungkul. Ka para pinunjul ulah jadi agul, atuh kanu teu kapilih ulah janten raheut manah.” ceuk pupuhu Mitra Rumaja.

Rengse kagiatan pasanggiri ieu lain hartina eureun kitu waé. Mitra Rumaja masih numpuk kénéh kagiatanana. Diantarana anu digarap sabada pasanggiri ieu nyaeta, Pelatihan & Pembinaan keur para Rumaja Sunda.

Digelarna kagiatan ieu téh salah sahiji tarékah Mitra Rumaja enggoning ngabina jeung umajak ka sakumna rumaja Sunda sangkan nyaah ka budaya Sunda.

“Insya Allah sasih payun baris digelar deui kagiatan rumaja. Kagiatan ieu téh salah sahiji agenda kagiatan taunan anu tujuanana ngajak ka para rumaja Sunda supados reueus ka budaya Sunda. Kedah aya “pamancingna” supados para nonoman téh kataji ku seni sareng budayana tah panginten ngalangkungan kagiata sapertos kieu mudah-mudahan aya mangpaatna” ceuk pupuhu Mitra Rumaja mungkas.***

 

Rengrengan Mitra Rumaja Mangle ngahaturkeun rewu nuhun kana pangdeudeul & pangrojong ti:

  1. Ibu Ineu Purwadewi Sundari (Ketua DPRD Prov. Jabar)
  2. Bapa Sunatra (Komisi C DPRD Prov. Jabar)
  3. Dinas Pariwisata & Kebudayaan Provinsi Jawa Barat
  4. Pupuhu Majalah Mangle Bapa Drs. H. Uu Rukmana M.Si
  5. Pembina Mitra Rumaja Manglé Téh Mayang Arum Sunda
  6. Museum Sri Baduga Provinsi Jawa Barat
  7. DH Production
  8. Inilah Koran
  9. I Channell

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: