• Follow us on Twitter
  • Follow us on Facebook

Sajak Ganjar Kurnia - Duh

Kénging Ganjar Kurnia
Kintun kana Facebook
Sanés cimata sésa
nu ngeclak kana lahunan
 
Salira, warisan para karuhun
nu dinangna-néngné ku asih
naha bet ilang sieup
 
Kamana taman – taman nu éndah
pangligaran kembang harepan
petétan petikeun jaga
 
Haté janten tarigtug
lir jalan anu rarenjul :
seueur liangan
 
Kapeurih langkung nyeri
batan  katojos eurih nu ngajejembrung
nutupan sarakan
 
Saur saha lain-lainna deui
kapan kuring bagéan ti salira
 
Cimata beuki ngagewor
kawas cihujan nu ngagolontor
ngabanjiran gedong kahéman
 
Duh !
 
GK/Janadu/ 90418

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: