• Follow us on Twitter
  • Follow us on Facebook

Lawang Saketeng - WARUNG SISIMPANGAN

Kénging Ensa Wiarna
Kintun kana Facebook

WARUNG SISIMPANGAN

 

Warung sisi parapatan jalan mah teu weléh haneuteun. Najan, lain pangjugjugan, teu weleh kajojo, da sisimpangan. Nu ti mana nu ti mendi, biasa nyarimpang ka dinya. Tangtu wé, tujuan nu daratang gé rupa-rupa, lantaran hanaang, lapar, atawa ukur ngareureuhkeun tina kacapé. Naon waé tujuanana, bisa jadi pangrojong kana lalampahan saterusna.

Mun nyimpang ukur hanaang, bisa nginum; lapar bisa barang tuang; capé bisa reureuh. Atuh, mun aya kénéh waktu, saheulaanan mah, bisa ngobrol jeung nu araya di dinya, najan saméméhna henteu silih pikawanoh.  

Harepan mah,  Mangle Panglipur ieu ogé kitu, lir warung sisimpangan di sisi parapatan jalan. Urang Sunda di mana waé ayana atawa nu keur lumampah ka jauhna, bisa nyarimpang ka dieu. Mun téa mah, aya susuguh sapulukaneun,  muga jadi tamba lapar; mun aya cai ukur salegukeun, muga jadi ubar hanaang.  Atuh, mun rada lila nyimpangna, nya hadéna mah, ngawarangkong heula jeung pada-pada nu aya di ieu warung.

Warung Mangle Panglipur, satékah polah nyayagikeun rupa-rupa ménu. Ngan, da pamianganan gé, hayang nyuguhkeun katuangan nu has ti tatar Sunda. Maksud téh, keun wae nu hirup dina alam kiwari mah, apal jeung beuki kana rurpa-rupa katuangan ti bangsa deungeun gé, tapi katuangan ti alam sabudeureun urang gé ulah nepi ka sirna.

Warung Mangle Panglipur dina wanda kadiunakeun, seja nata  étalase katut ngeuyeuban susuguhna. Bisa jadi nu robah téh ukur ‘tampilanana’ da saripatina mah, moal leupas ti nu saméméhna. Di antara susuguhna, ayeuna mah aya  Ringrang Kahriwang, Mata Heulang, jeung Tepung Tangtungan. Muga wé, susuguh kawas kitu téh, aya mangpaatna keur nu nyarimpang ka ieu warung. Copélna, ubar halabhab, tamba lapar, atawa ukur mulihkeun raga tina kacapé. Atuh, upama aya warga atawa beja ti papada nu nyarimpang ka dieu, mudah-mudahan wé sing jadi luang.***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: