• Follow us on Twitter
  • Follow us on Facebook

Kanyaah Pamarentah Jabar
ka Korban Musibah Sulteng

Kénging Rumpaka M-Online
Kintun kana Facebook
Mangle
Gubernur Jabar Ridwan Kamil nyadikeun Rp 2 miliar keur warga nu kakeunaan musibah di Sulawesi [Potrét/Ilustasi: ]

Kajadian lini jeung tsunami di Sulawesi ‘ngoyagkeun’ rasa  dulur sabangsa di Nusantara. Warta katunggara nu sumebar sakedét nétra, ngahudang kanyaah balaréa. Saperti urang Sunda atawa Jawa Barat, najan teu dikomando, loba léah hate geusan ngébréhkeun kanyaah ka pihak-pihak nu keur nandangan tunggara.

Urang nu ngancik di Tatar Sunda,  sarua milu tunggara.  Dulur-dulur urang di éta tempat, loba nu tilar dunya. Atuh, nu saralamet gé moal kurang-kurang nalangsana, lantaran kaleungitan anggota kulawarga, dulur, baraya, tatangga, katut pakaya.

Gubernur Jawa Barat, Mochamad Rdwan Kamil, kalayan asmana pamaréntah Provisnsi Jawa Barat, nyayagikeun sumbangan  Rp 2 miliar  keur warga nu kakeunaan ku musibah di Sulawesi téa.

"Pemprov Jabar tos nyiapkeun kirang-langkung dua  Rp2 miliar,” ceuk Ridwan Kamil sabada  silahturahkami jeung  pangrus  MUI Provinsi Jawa Barat di Bandung, Senin, 1 Oktober 2018.

Bantuan awal téh ditujukeun keur nu ngarungsi, saperti bantuan logistik. Da, ilaharana nu dipangungsian mah, apan teu kaburu mawa nanaon. Atuh, saperti simbut, anggel, jeung pakéan gé, jadi kabutuh nu teu bisa dipersabenan.

Satutas méré bantuan awal, ceuk ieu manten Walikota Bandung téh, tangtu wé  bakal aya bantuan-bantuan saterusna. Da, sabada bantuan awal mah,  aya  tim Pemprov Jabar  nu ngumpulkeun dana saperti ngaliwatan média sosial.

Gubernur nandeskeun, ngungkulan musibah saperti Lombok jeung Sulawesi Tengah, teu bisa ukur ngandelkeun pamaréntah pusat wungkul. Hartina, butuh bantuan sakumna pihak malar nu nandangan bangbaluh téh ngarasa loba dulur nu mikanyaah.

Mémang, urang  percaya, pihak pamaréntah gé, satékah polah sayaga, geusan nyanghareupan musibah. Da, aya Badan Nasional Penanggulangan Bencana (BNPB) nu pancenna geusan ngaantisipasi jeung ngungkulan bencana téa.  Kitu deui di daérah-daérah aya badan husus geusan nanganan kajadian musibah. Tapi, tangtu wé teu cukup ngandelkeun éta pihak, lantaran peristiwa kawas kitu téh bisa kajadian iraha waé jeung di mana waé nu bisa jadi moal gampang ‘kahontal’ ku pamaréntah wungkul. Hartina, sakumna pihak gé tetep kudu sayaga malar mamalana bisa disinglar, copélna dikurangan.

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: