• Follow us on Twitter
  • Follow us on Facebook

Ragam Opera Sunda
Ngirut Warga
Mikareueus Budaya

Kénging Rudi H
Kintun kana Facebook
Mangle
kagiatan Ragam Opera Sunda [Potrét/Ilustasi: dok. Raos]

Cara ngamumulé budaya daérah, payus nyonto ka budaya Sunda. Budayana lain saukur jadi tatapakan pasipatan dina lampah hirupna, tapi ogé jadi pangjurung ludeung dina mekarkeun kreativitas ti saban generasi ka generasi. Pangna kitu, saban paguyuban atawa lembaga nu micinta budaya, teu weléh pada ngajenan jeung ngahaminan. Sapertina waé nu kamari ieu dilaksanakeun ku Ragam Opera Sunda (RAOS) 15 Oktober 2018 di Gedung Kesenian Mayangsunda Bandung. Sababaraha kagiatanana, éstuning pikaresepeun nu saterusna méré sumanget keur terus ngamumulé budaya Sunda ka jauhna.

Nurutkeun Téh Citra salahsaurang panatacalagara ieu kagiatan, midangkeun sababaraha tari tradisional, longser ti mang Koko, sulap jeung sajabana.

Kitu deui dina raraga ngadumaniskeun budaya dina panéka jaman, atuh dipidangkeun ogé para pamaén panghadéna, di antarana Jo Limbads (Atraksi Sulap) - Mang Koko (Seniman & Komedian TV Lokal) - Belly (Komedian Longser Jawa Barat) -Sangadifa Ensemble (Musik x Tari Kontemporer Etnik) - Cepot (Dalang Azis Jr) - Tari Rampak Kendang, nu dipandu ku Rizky Wildan - Anya Rama Altha (Announcer RAMA FM).

Alpukahna Dinas Pariwisata dan Kebudayaan Kota Bandung, pihak panatacalagara nu dilaksnakeun ku EXTRO Organizer, ogé dirojong ku sababaraha lembaga, saperti Majalah Manglé,  LSBS Unisba - Papah Catering - Sate Roti Kumpeni - N2 Frame - Bandung Event - Bodor_Sunda - 52 Event - Rase FM - Garuda FM - PR FM - Info Mahasiswa Unisba - Bem Unisba - Madafakah Prod. - LISENDA Itenas sarta Minikutu.

“Tujuanana ngiring ngahudangkeun deui kareueus masarakat kana budayana. Atuh alhamdulillah seueur pisan nu sarumpingna,” ceuk Citra semu bungah.***

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: